Ginpahayag sang Philippine National Police nga nakadispatch na ini sang intelligence kag tracker teams para sa tag-iya sang St. Timothy Construction nga si Sara Discaya kag iban pa nga imbolbado sa “ghost” flood control project sa Davao Occidental.
Suno kay PNP chief Jose Melencio Nartatez Jr., nagapakig-angot ang mga pulis sa iban pa nga concerned agencies bilang preparasyon sa pagpagwa sang warrant of arrests batok sa mga imbolbado nga indibidwal.
Suno sa iya, ginakolekta sa karun sang mga pulis ang impormasyon sa mga areas kun sa diin posible nagapanago ang nasambit nga mga indibidwal.
Suno sa iya, tinutuyo sang ila mga preparasyon ang ipabatyag nga ang option na lamang sang mga ini amu nga magsurrender.
Suno sa PNP, nakaalerto man ang barangay kag neighborhood watch groups agud magmonitor kag magreport sang nagakaigo nga mga impormasyon.
