Naplastar na ang mga security protocol nga ipatuman sang Philippine National Police sa walo ka adlaw nga pagfile sang Certificate of Candidacy humalin bwas, Oktubre 1 tubtob Oktubre 8.
Pila diri amo ang pagdeploy sang mga kapulisan sa mga local Comelec office agud nga maghatag seguridad sa mga kandidato nga magafile sang kandidatura kag sa mga Comelec personnel.
Suno kay Philippine National Police Chief, Police General Rommel Francisco Marbil, pagahugton man sang kapulisan ang patrol operations indi lamang sa mga dalan kundi sa mga lugar nga madamo man sang tawo.
Kadungan sini, ginpahanumduman sang heneral ang mga police nga mangin ‘neutral’ lamang ukon wala sang ginadampigan.
Suno sa heneral, ang deployment sang mga ini sa mga Comelec office agud nga magbantay sa seguridad kag indi agud maghatag sang suporta sa mga kandidato nga magafile sang COC.
