-- ADVERTISEMENT --
Opisyal na nga gindesignar bilang director sang Bacolod City Police Office si Police Col. Eugene Rebadomia.
Suno kay Bacolod City Mayor Greg Gasataya, nagsubmit ini sang recommendation sa Philippine National Police sang tinalikdan nga semana para opsiyal na nga mangin city director si Rebadomia kag sang Sabado sini nabaton ang confirmation.
Suno diri, nakita sini ang commitment ni Rebadomia sa pagtrabaho sa pagpasanyog sang police visibility, pagpatrolya, kampanya batok sa illegal nga droga, pag-assist sa dalagko nga event sa ciudad, kag pabilin sang peace and order kag iban pa.
Gin-athag sini nga wala niya ginrekomendar si Rebadomia bangod taga-Bacolod ini apang ginbasehan niya ang trabaho sini.
