Ginahulat na lang ni Police Col. Joeresty Coronica ang relieved order sa paghalin sini bilang City Director sang Bacolod City Police Office.
Suno kay Coronica, may yara sang lima ka candidates nga ginpili ang Police Regional Office Negros Island Region bilang bulos sa iya.
Suno diri, sang Enero pa ginpasa ang recommendation letter kay Bacolod City Mayor Greg Gasataya kag ginahulat na lang kun sin-o ang pilion sini.
Suno kay Coronica, nakita niya ang lista apang para sa iya mas maayo kun gikan sa regional office ang impormasyon kun sin-o ang mabulos nga City Director.
Ginalauman naman sini nga sa tion nga mag-abot na ang reply ni Gasataya, may yara na gilayon sang turn over.
Dako ang pagpasalamat sini sa alkalde nga ginretain siya bilang City Director sang ciudad apisar nga may pagbag-o sa liderato.
Pahayag ni Coronica, masobra tatlo ka tuig na siya nagserbe bilang City Director humalin sa Iloilo City kag Bacolod City kag ang pagbiya sini mangin pala-agyan para sa iya career development.
