Ginbalik bilang hepe sa EB Magalona Municipal Police Station si Police Major Eric Doronilla.
Ini matapos nga nalab-ot na ni Police Major Kenneth Jay Gratones ang duha ka tuig nga maximum tenure bilang hepe sang nasambitan nga estasyon.
Ang turnover of office ceremony ang ginpangunahan ni Negros Occidental Police Provincial Office (NOCPPO) Director Police Col. Rainero de Chavez.
Nagtambong man diri si EB Magalona Mayor Marvin Malacon.
Nahibaluan nga si Doronilla man ang hepe sang EB Magalona Municipal Police Station antes ginsaylo sa Valladolid Municipal Police Station, kag siya ang ginbuslan ni Gratones.
Ginpasalamatan naman ni Gratones ang pagsuporta sa iya sang mga Police Personnel kag EB Magalona Municipal Government.
Sa karun nagaserbe naman nga Acting Chief of Police sa Valladolid Municipal Police Station si Police Major Karena Onio.
