Ginpasalamatan sang pinuno sang Bacolod Traffic Authority Office (BTAO) ang alkalde sang syudad sang Bacolod sa pagsalig kag kompiyansa nga ginhatag sa iya.
Sa interview sang Bombo Radyo Bacolod kay Police Major Junji Liba, desisyon na sang alkalde ang pagpabilin sa iya nga pinuno sang BTAO.
Suno kay Liba, antes siya nangin pinuno sang BTAO, ginrelieve siya bilang station commander sang Bacolod Police Station 9 sang June 26 kag gin-assign sa Bacolod City Traffic Management Unit.
Suno diri, indi man indi magtinir sang masobra duha ka bulan kun wala siya gindesignate.
Samtang, may rekord naman ang opisina sang adlaw-adlaw nga ila nga ginapangdakop nga mga traffic violators.
Nabatian naman sini ang tanan nga mga reklamo sang PUJ kag mga tricycle drivers bangud ginpatawag niya naman ini sadto agud sapulon sa head quarters sang Bacolod City Police Office.
Aminado man ini nga dako ang kakulangan sang BTAO sa personnel nga magapatuman sang city ordinance sang syudad sa traffic.
Sa karun may yara lamang sang 325 personnel ang BTAO nga ginalakipan sang 300 ka bag-o kag 25 ka regular.
Suno kay Liba 260 sa 325 ka personnel ang ginapangdeploy sa dalanon sang syudad kag ang iban ang yara na-assign sa opisina sang BTAO.// Indi naman makadugang sang personnel subong tuig bangud wala na sang budget.
Apisar nga may kakulangan sa personnel, gina-adjust sang pinuno sang BTAO ang schedule sang mga ini para sa deployment sa Sabado kag Domingo.
