Nagapati ang labor advocate nga madamo sang pagpanghangkat nga paga-atubangon ang labor sector subong nga tuig.
Sa interview sang Bombo Radyo Bacolod kay Wennie Sancho, secretary general sang General Alliance of Workers Association (GAWA), ini bangod sa political instability, korapsyon kag economic problems sa pungsod.
Suno diri, sang Oktubre 2025 naglapad ang ekonomiya tubtob sang Disyembre apang ang uneployment rate nagsaka sa 5 percent.
Suno kay Sancho, wala sang pagsanyog sa Pilipinas bangod tubtob sa karun ginabanta nga 2.54 million ka tawo ang wala sang trabaho.
Samtang, nagsaka man ang under employment rate sa 12 percent kadungan sa paghuyang sang ekonomiya kag wala sang nagakatabo nga recovery.
Pahayag ni Sancho, kun wala sang korapsyon nga nagakatabo, dako kun tani nga kwarta ang nagalibot sa pungsod.
Suno pa diri, kun may consumer spending, naga-uswag man ang sweldo sang mamumugon.
Para kay Sancho, ginalantaw sini nga manubo gid lamang ang matabo nga development sa Pilipinas.
