Nagpasalig si Finance Secretary Frederick Go nga naresolbar na ang pondo para sa Comprehensive Automotive Resurgence Strategy (CARS) program matapos gin-veto ni President Ferdinand “Bongbong” Marcos Jr. ang unprogrammed funds.
Katuyuan sang programa nga maghatag sang incentives para sa car manufacturers sa pungsod.
Ini matapos ginpirmahan ni Marcos ang P6.793-trillion budget para sa fiscal year 2026 apang gin-veto ang halos P92.5-billion nga balor sang line items sa idalom sang unprogrammed appropriations, lakip na ang P4.32 billion para sa CARS program.
Sa idalom sang programa, nagalaom ang gobyerno nga makaganyat sang bag-o nga investments, makapataas sang demand kag epektibo nga mapatuman ang industry regulations agud mapasanyog ang Philippine automotive industry kag ma-develop ang pungsod bilang regional automotive manufacturing hub.
