Si Pope Francis ang nangin labing una nga Santo Papa nga naghambal sa Group of Seven Summit sang Biyernes kag nagpaandam sa mga world leaders nga indi dapat pagpahanugutan ang Artificial Intelligence nga mas maglabaw sang sa mga katawhan.
Mainit nga ginwelcome sang global chiefs ang 87-anyos nga Santo Papa samtang nagapadulong ini sa dako nga oval table sakay ang sa isa ka wheelchair.
Suno sa Santo Papa, ang AI ang nagrepresent sang “epochal transformation” para sa mga katawhan apang gin-atag nga kinahanglan nga pagbantay sa nagadevelop nga teknolohiya agud mapreserbar ang kabuhi kag dignidad sang tawo.
Suno pa diri, wala sang maskin ano nga machine ang dapat magkuha sang kabuhi sang isa ka atawo.
Ang G7 ang nagatipon sang mga pinuno sang Estados Unidos, Germany, Britain, France, Italy, Canada kag Japan.
Magluwas diri, si Italian Prime Minister Giorgia Meloni, ang host sang summit, ang nag-imbitr man sang napulo ka iban nga mga nasyon nga makigbahin sa diskusyon lakip na ang Prime Minister sang India kag mga presidente sang Turkey kag Kenya.
