Aminado ang bise alkalde sang Bacolod nga indi matumod kun may positibo sa coronavirus disease sa ciudad bangud sa kakulang sang testing kit.
Sa interview sang Bombo Radyo Bacolod kay Vice Mayor El Cid Familiaran, ginpahayag sini nga paagi lamang sa 14 days incubation period ang ginahimo sang mga pumuluyo sa ciudad sang Bacolod kun ini ang naghalin sa mga lugar nga ginasuspetsuhan nga may kaso sang coronavirus 2019 ukon (COVID-19) agud mahibaluan kun ini ang infected sang coronavirus.
Ginpahayag sini nga wala sang testing kit sa ciudad kag bilog nga Western Visayas gani indi matsekyar gilayon kun ang pasyente ang infected.
Dugang pa sini, bangud wala sang testing kit, ang ginabasehan lamang sang mga health personnel ang actual health condition sang pasyente.
Samtang, ginpahayag man sang bise alkalde nga isa sa ginapangatubang sang ciudad ang pagpadala sang swab sample sang mga Persons Under Investigation ukon PUI’s sa Research Institute for Tropical Medicine (RITM) bangud kanselado na ang mga flights.
