Natumba ang poste sang kuryente sa Barangay Bagtic, Silay City matapos nga mabunguan sang SUV kaina sang aga.
Sa interview sang Bombo Radyo Bacolod kay Police Lt. Col. Mark Anthony Darroca, hepe sa Silay City Police Station, ang insidente ang nagluntad alas-11:30 kaina sang aga.
Suno kay Darroca, pagdangat sa kurbadahan sang Bacolod-Silay Airport, nag-overshoot ang Subaru SUV nga ginamaneho ni Raymund Javellana, residente sa Talisay City, kag ini ang nakabunggo sa poste.
Bangod sini temporaryo nga wala nalabayan ang dalan bangod sa pagluyloy sang mga kuryente kag temporaryo man nga ginpatay ang power supply samtang ginapatindog sang Central Negros Electric Cooperative (CENECO) ang poste.
Ang driver sang SUV ang wala man nasamaran kag ini ang nakasakay sa naglabay nga salakyan nagdul-ong diri sa iya puluy-an sa ciudad sang Talisay.
