14 ka mga katapo sang Philippine Red Cross – Bacolod City Chapter ang gindeploy sa Rolling Hills Memorial Park kahapon, Nobyembre 1 samtang may yara man sang mga nagaroving sa iban pa nga sementeryo agud mag-assist sa mga nagakinahanglan.
Sa interview sang Bombo Radyo kay Orly Moralista, service representative sang Philippine Red Cross Bacolod Chapter, 26 tanan ka mga personnel ang deploy sa Bacolod Sacred Heart Memorial Park sa Barangay Sum-ag kag Rolling Memorial Park samtang may tatlo naman ka mga ambulansya nga nagaroving sa mga crowded cemeteries.
Suno sa iya, sila ang nagacheck san mga vitals kag blood pressure sang mga nagalain ang pamatyag kag kun may mga major injuries, handa man ang ila mga ambulansya in kaso nga kinahanglan nga magpadulong sa ospital.
Nagpahanumdum ini sa mga magabista sa mga patyo nga magbalon sang tubig, indi magpainit kag indi magpakapoy.
