Gindayaw sang United Nations ang preparasyon sang Pilipinas antes pa man ang paglaslas sang Super Typhoon Uwan.
Suno kay UN Resident and Humanitarian Coordinator Arnaud Peral, ang episyente nga preparasyon, pre-emptive evacuations kag iban pa nga timely response amu ang nakasalbar sang madamo nga kabuhi.
Ginhighlight naman sang UN Office for the Coordination of Humanitarian Affairs ang ginpatigayon sang gobyerno sang Pilipinas nga response kag recovery efforts kasunod sang isa sa ginakabig nga pinakadako nga pre-emptive evacuation nga narekord sa maragtas sang Pilipinas.
Madumduman nga kapin 1.3 million indibidwal ang gin-evacuate nagikan sa 13 nagikan sa 18 ka mga rehiyon antes pa man maglandfall ang Super Typhoon.
Samtang, nagpaandam man ang UN sang mas madamo kag makusog pa nga mga bagyo kaangay sang Uwan sa pungsod bangud sa krisis sa karun sa klima.
