Nagpasalig ang Department of Agriculture – Negros Island Region nga wala sang dapat ikabalaka kasunod sa pagtuhaw sang presensya sang rice black bug sa Brgy Maslog, banwa sang Sibulan, Negros Oriental.
Suno kay DA-NIR Executive Director Engr. Jose Albert Barrogo, may sampling na nga ginkuha sa area kag sa 10 ka area apat lamang ang nagpositibo nga may presensya sang rice black bug.
Suno diri, ini katumbas lamang sang 0.6 percent kag indi makabig nga maka-alarma.
Ang rice black bug nagasuyop sang moisture sang dahon tubtob nga malaya ini kag masami nga naggwa ang ini nga peste kun dry seson.
Pahayag ni Barrogo, magamay ang tsansa nga mahalitan ang mga pananom sa Negros Occidental bangod ang dereksyon sang hangin papalayo sa probinsya.
Sa karun padayon ang monitoring sang DA- NIR sa sitwasyon sa Sibulan.
