Ginpahayag ni President Ferdinand “Bongbong” Marcos Jr. nga dapat i-maximize sang Pilipinas ang paggamit sang artificial intelligence (AI) bisan pa sa paghimo sang layi.
Sa pinaka-latest nga episode sang BBM Poscast kahapon, ginpahayag sang presidente nga ang teknolohiya ang mas magapadasig sang pag-uswag kag makapahapos sang proseso sa paghimo sang layi.
Suno diri, kinahanglan man lantawon sang pilipinas kun paano magamit sa tanan sang insakto ang benepisyo nga ginahatag sang AI.
Apang suno diri kinahanglan man nga makahibalo ang tanan sa peligro sang indi insakto nga paggamit sini.
Dugang pa sini nga dapat mangin maalam ang tanan batok sa fake news kag disinformation.
Nahibaluan nga sang nakaligad nga bulan, ginpahayag ni Marcos nga ginalantaw sang gobyerno ang paggamit sang AI sa pagmonitor sang implementasyon sang mga flood control projects.
Suno diri, ang system ang nagacheck sang mga proseso sang kontrata kag nagapakita sang posible nga irigularidad.
