Ginkumpirmar sang alkalde sang syudad sang Bacolod nga natalana nga magapadulong sa syudad ang presidente sang Pilipinas bilang dinapit nga bisita sa MassKara Festival.
Suno kay Bacolod City Mayor Alfredo Benitez mahimo nga sa highlight sang Festival magapadulong sa syudad si President Ferdinand “Bongbong” Marcos Jr. apang ginapaabot sang presidente nga temprano nga magabisita si First Lady Liza Araneta Marcos kaupod ang ila mga kabataan nga sanday Congressman Sandro, Simon, kag Vinny Marcos.
Suno pa sa alkalde, magluwas sa presidente, kumpirmado naman nga magaupod sa pagsaulog sang Masskara Festival Vice President Sarah Duterte kalakip na ang House Speaker kag Senate President.
Ginhingyo naman ni Benitez ang Department of Tourism kag local tourism office sa Bacolod nga magpatigayon sang head count sa mga bisita nga natalana magapadulong sa syudad para sa pagupod sa pagselebrar sang Masskara Festival bangud ginalauman sini nga magadangat sa 200 mil ang mga bisita sa nasambit nga kahiwatan.
Suno kay Benitez, santo sa datus sang syudad,sang tinalikdan pa lamang nga semana nangin fully ooked na ang tanan nga mga hotel sa Bacolod.
Ginalauman man sang alkalde nga may yara sang P5 billion nga kwarta ang posible nga maga irculate sa syudad sa tion sang selebrasyon.
