Nagpanumpa si President Ferdinand “Bongbong” Marcos Jr. nga gamiton ang tanan nga malinong kag legal nga mga pamaaagi agud nga sakdagon ang 2016 arbitral ruling nga naga-invalidate sang claim sang China sa West Philippine Sea.
Ini ang gindeklarar sang Presidente sa iya ikalima nga State of the Nation Address (SONA).
Nakakuha sang matunog nga pagpalakpak kag standing ovation gikan sa mga tumalambong sa plenary hall sa House of Representatives sa Batasang Pambansa.
Sa tunga sang nagapadayon nga pamahog sa seguridad sang pungsod halin sa sulog kag sa gwa sang teritoryo sang Pilipinas, nagapanawagan si Marcos sa mga Filipinos nga magpanindugan kag maghugpong.
Gindayaw man sang presidente ang miyembro sang Armed Forces of the Philippines kag Philippine Coast Guard, kasubong man ang mga mangisngisda nga Filipino nga nagapadayon sa pagpatrolya sa kadagatan sang Pilipinas apisar sang risgo nga ginapangatubang sang mga ini.
Madumduman sang July 12, 2016, ang Permanent Court of Arbitration sa The Hague ang nagpamatbat nga ang claim sang China sa West Philippine Sea ang wala sang legal nga basehan sa idalom sang United Nations Convention on the Law of the Sea (UNCLOS).
Ang ruling ang nag-ugat sa kaso nga ginpasaka sang Pilipinas sang 2013 apang ini ang wala man ginakilala sang China.
