President Bongbong Marcos, suportado ang pagprotesta batok sa kurapsyon

Nahangpan ni President Ferdinand Marcos Jr. ang kaakig sang publiko sa mga anomaliya sa mga proyekto sang flood control kag iban pa nga imprastraktura kag gin-ako nga kun indi siya ang Presidente, posible nga yara man ini sa dalanon kaupod ang mga nagaprotesta.

Suno kay Marcos, justifiable ang kaakig sang mga pumuluyo sa mga ginpangbuyagyag nga iregularidad.

Suno diri, siya mismo ang nagpagwa sang mga anomaliya kag interes sini nga makapangita sang solusyon sa tuman ka malala nga problema.

Suno sa iya, indi mabasol ang mga pumuluyo kun magwa sila sa kalye kag ipabutyag ang ila mga nagakabatyagan.

Dugang pa sini nga akig ang mga tawo kasubong man siya kag kinamatarong sang tagsa-tagsa ang mangakig bangud indi insakto ang nagakatabo.