Pagatun-an ni President Ferdinand “Bongbong” Marcos Jr. kun magaresulta ang isa ka legislated wage hike sa layoffs ukon pagpahalin sang pila ka mga empleyado sa trabaho.
Suno kay Palace Press Officer Undersecretary Atty. Claire Castro, liwat nga pagatun-an ni Marcos kun masarangan ang pagpasaka sang sweldo bangud posible nga ini ang pagatunaan sang lay-off kun indi masarangan sang magagmay nga mga negosyante gani mas madamo ang mabudlayan nga mga trabahante kag posible nga mawad-an sang trabaho.
Suno diri, ini ang pagatun-an pa sang Presidente para sa benepisyo sang kadam-an.
Ang proposed legislated minimum wage hike sa 19th Congress nga yara sa P200 sa version sang Kamara samtang P100 naman sa Senado, ang wala napasar agud mangin layi antes nagtakop ang 19th Congress.
Liwat naman nga ginfile ang nasambit nga mga hagna sa 20th Congress.
Kapin 1.2 million minimum wage earners sa National Capital Region (NCR) ang natalana nga magbaton sang mas mataas nga sweldo sa masunod nga bulan matapos gin-aprubahan sang regional wage board ang P50 increase sa daily minimum wage.
