Nagmando si President Ferdinand “Bongbong” Marcos Jr. sang maid-id nga imbestigasyon sa nagluntad nga shooting incident sa sulod sang San Jose National Highschool sa Tacloban City, alas- 9:00 kaina sang aga kun sa diin tatlo ang kumpirmado nga napatay samtang lima ang pilason.
Nadakpan ang duha ka suspek nga naga-edad sang 14 kag 15 nga lunsay mga Grade 9 stduents sang nasambit nga buluthuan.
Nahimo sang duha nga mapasulod sa eskwlehan ang dala nila nga armas-luthang kag didto na nagpaniro.
Tuman ang kakulba nga nabatyagan sang mga estduyante kag mga manunudlo sang mabatian ang sunod-sunod nga lupok.
Sa karun, ginalantaw nga motibo sa pagpatay amo nga biktima sang pagpangbully ang mga suspek.
Samtang, nahimo pa sang mga suspek nga magpicture nga naga-uyat sang armas-luthang antes ginhimo ang krimen.
Isa sa mga suspek ang nadakpan sa sulod sang eskwelahan samtang ang isa naman nahimo pa makapauli antes ini naaresto.
Kasunod sang insidente, gilayon nga ginsuspend ang klase sa San Jose National High School, San Jose Central School kag Manlurip Elementary School.
Suno kay Palace Press Officer Undersecretary Claire Castro, naghatag sang direktiba ang presidente nga sigurohon ang safety sang tanan nga tawo sa mga establishemento ilabi na sa mga buluthuan.
Suno diri, nagmando ang presidente sang madalom nga imbestigasyon sa insidente samtang ginakasubo sini ang natabo nga may yara sang napatay kag napilasan nga mga kabataan.
