Nagpalab-ot sang pagpakig-unong si President Ferdinand Marcos Jr. sang Domingo sa mga biktima sang Lapu-Lapu Festival sa Vancouver, Canada kun sa diin indi magnubo sa siyam ka mga persona ang nagkalamatay matapos gin-arado sang isa ka driver ang mga festival goers gamit ang iya salakyan.
Samtang pabalik ini sa Manila nagikan sa funeral service ni Pope Francis sa Rome, ginpahayag sang Presidente nga nagakasubo ini nga mabatian ang natuhoy sa terible nga insidente.
Suno sa iya, bilang isa ka Presidente kag bilang isa ka amay, naga-upod ini sa kasubo kag kasakit sang mga Pinoy sa Vancouver nga nagtililipon kuntani agud hatagan sang honor ang kaisog ni Lapu-Lapu.
Nagpasalig man ini nga naghatag na sang specific instructions ang iya administrasyon sa mga diplomats kag staff sa Vancouver agud mag-extend sang assistance sa mga biktima kag nagcoordinate sang maayo sa Canadian authorities.
