Duha ka matag-as nga opisyales sang pungsod ang magatambong sa opening ceremony sang 2024 Palarong Pambansa subong nga adlaw sa Cebu City Sports Center.
Ini matapos nga ginkumpirmar man ni John Pages, pinuno sang Cebu City Sports Commission, nga magatambong man ni President Bongbong Marcos sa opening sang sporting event sa bag-o lang ginpatahum nga sports center sang Cebu.
Una na nga ginkumpirmar ni Vice President Sara Duterte sang tinalikdan nga semana nga magatambong ini sa opening sang Palarong Pambansa.
Bangud sini, makit-an ang duha nga magkaupod sa public event sa pihak sang nagagwa nga mga isyu angot sa relasyon sang presidente kag bise presidente nga ginsundan sang pagresign ni Duterte bilang Education secretary.
Samtang magluwas kanday Marcos kag Duterte, magatambong man sa opening karon sa hapon si incoming DepEd Secretary Sonny Angara.
