Liwat nga nag-atubangay sanday US President Donald Trump kag Chinese President Xi Jinping sa bilateral talks sa South Korea kahapon, Oktubre 30.
Ini matapos ang pila ka bulan nga trade tension sa tunga sang duha ka pungsod.
Sa malaka nga kahigayunan, nagshake hands sang masobra isa ka minuto ang duha ka lider sang mga pungsod nga may pinakadako nga ekonomiya antes ang ila private meeting nga nagdugay sang duha ka oras.
Gindayaw ni Trump ang ila meeting ni Xi kag gintawag nga madinalag-on.
Samtang, gin-anunsyar ni Trump ang pagpatuman sang mas manubo nga taripa sa Chinese imports kag ginpahayag nga pagahatagan sang China ang Amerika sang mas manami pa nga access sa “rare earths”, ang mga mineral nga ginagamit sa paghimo sang electric cars, computer hard drives, TV screens, jet engines, iban pa nga electronics kag military weapons.
