Nagpatuman ang mga oil firms sang pagsaka sa presyo sang produktong petrolyo subong nga semana.
Sa separado nga advisories, nagpatuman ang Seaoil Philippines Corp. kag Shell Pilipinas Corp. sang pagsaka nga P1.20 sa kada litro sang diesel, kag P0.70 sa kada litro sang kerosene samtang wala sang pagbag-o sa presyo sang gasolina.
Nagtake-effect ang price adjustments kaina alas 6:00 ang takna sang aga.
Una na nga ginlantaw sang Department of Energy-Oil Industry Management Bureau (DOE-OIMB) ang pagnubo sa presyo sang gasolina kag pagsaka sa presyo sang diesel kag kerosene subong nga semana bangud sa possible nga pag-atake sang Israel sa oil companies sang Iran kag disruptions sa Southeast sang Estados Unidos bangud sa Hurricane Helene.
Sang tinalikdan nga semana, nagpatuman ang mga oil firms sang P0.45 nga pagsaka sa presyo sa kada litro sang gasolina; P0.90 sa kada litro sang diesel kag P0.30 sa kada litro sang kerosene.
Humalin sang Enero subong nga tuig ang nagdangat na sa P6.40 ang net increase sa kada litro sang gasolina kag P2.85 sa kada litro sang diesel samtang P6.05 nga net decrease sa kada litro sang kerosene as of October 1, 2024.
