Presyo sang local rice sa merkado, dako ang ginsaka

Tuman naman ang pagsaka sang presyo sang local rice sa merkado matapos ang rice importation ban.

Sa interview sang Bombo Radyo Bacolod kay Beltran Villanueva, farmer kag rice retailer sa Burgos Public Market, nagapabilin nga wala sang pagbag-o sa presyo sang mga imported nga bugas apang sa lokal nga bugas naman, halos P2.00 ang ginsaka sang presyo kada kilo kag kapin P200 ang saka sa kada sako.

Suno diri, halos kada semana may yara sang adjustment sa presyo sang bugas kag amo man ang pag-adjust nila sang presyo sa ila nga pagbaligya kag sa karun padayon pa ini nga nagasaka.