Ginalantaw nga maganubo ang presyo sang liquefied petroleum gas (LPG) sa masunod nga bulan matapos nga nagnubo ang contract price sang cooking gas sa international market kasunod sang paghagan-hagan sang tensyon sa Middle East.
Suno sa report, ang contract price sang LPG nagnubo sang ginabanta 200 US dollar kada metric tons.
Kun padayon ini nga magnubo tubtob sa Hunyo 30, ang rollback mahimo maglab-ot sa P12 kada kilo, katumbas sa ginabanta nga P132 nga pagnubo sa presyo sang kada 11-kilo nga tangke.
Nahibaluan nga sa Pilipinas, ang presyo sang LPG masami nga gina-adjust makaisa lang sa isa ka bulan kag ginapatuman sa una nga semana sang nasambit nga bulan.
Sa tion contract price ang padayon nga magnubo sa international market, ginalauman nga ang retail price sang LPG mahimo nga magnubo pa gid sa ginabanta P1,000 tubtob P1,400 kada 11-kilogram nga tangke, depende sa lokasyon kag presyo sang tagsa ka supplier.
