Ginpahayag sang spokesperson sang Bantay Bigas nga wala man sa gihapon nagakatuman sa mga merkado ang bisan ano pa nga price cap nga ginapatuman sang gobyerno sa bugas sa pagpanguna sang Department of Agriculture.
Sa interview sang Bombo Radyo Bacolod kay Cathy Estavillo, wala man nagakasunod ang price cap bangud mhal man ang presyo sang bugas nga ginahatag sang mga traders sa mga retailers.
Suno kay Estavillo, ang iban nga mga nagabaligya sang bugas ang ginatuman ang price cap sa kahadlok nga mapriso kag indi na makakuha sang business permit.
Panawagan sang mga ini nga dapat untaton na ang pag-import sang mga bugas bangud wala sang kasiguruhan kun may yara lang sang available ang mga pungsod kun sa diin nagaimport sang bugas.
Suno diri, dapat nga buligan sang gobyerno ang mga mangunguma sang Pilipinas.
