Nag-issue ang Department of Trade and Industry (DTI) sang price freeze para sa basic necessities sa mga area nga ginpaidalum sa state of calamity bangod sa paglaslas sang Tropical Storm Kristine.
Sa idalum sang Price Act, gina-implementar ang 60-day automatic price freeze kun gindeklarar ang state of calamity sa isa ka lugar.
Nasulod sa price freeze ang canned fish, locally manufactured nga instant noodles, bottled water, tinapay, processed milk, kape, kandila, laundry soap, detergent, kag asin.
Suno kay DTI Acting Secretary Cristina Roque, aktibo ang pagmonitor sa mga presyo sang balaklon kag kun sin-o man ang magabayolar sini ang magapangatubang sang penalidad nga pagkahunong sa sulod sang isa tubtob napulo ka tuig kag penalty nga P5,000 tubtob sa P1 million.
Ginapanawagan sang DTI nga ireport ang mga retailers, distributors, kag manufacturers nga wala nagasunod sa price freeze.
