May security preparation na para sa natalana nga A Trillion Peso March 2.0 ang mga kapulisan sa bilog nga Negros Island Region.
Sa interview sang Bombo Radyo Bacolod kay Police Regional Office – Negros Island Region (PRO-NIR) Spokesperson Police Lt Col Joem Malong, ginpaidalom na sa heightened alert ang tanan nga police stations sa rehiyon.
Ginalauman na nga madamo ang maga-upod sa aktibidad, gani ang kapulisan ang hugot man nga magabantay.
Pasalig ni Malong nga ang presensya sang kapulisan ang indi para protektahan ang sin-o man nga persona, sa baylo sila ang magaseguro lamang ang matawhay nga aktibidad nga wala sang kinagamo.
Suno diri, protektahan sang kapulisan ang safety indi lang sang mga nagaprotesta, kasubong man ang komunidad kag propedad sa palibot.
Sila ang magaplastar sang kapin dos mil nga police personnel para sa security, crowd control, emergency response unit kag monitoring.
Ang kapulisan ang maga-tap man sa mga local government units para sa dugang nga augmentation.
Suno kay Malong, bantayan nila ang mga area nga patigayunan sang pagtililipon kaangay sa Bacolod City Public Plaza, Kabankalan City, Dumaguete City kag Siquijor.
Wala man sang namonitor nga threat ang intelligence unit sang kapulisan, apang sila ang magapabilin nga preparado.
Panawagan man sini sa mga motorista nga hibaluon ang mga advisories sa traffic rerouting.
