Ginpanindugan sang probinsiya sang Negros Occidental nga duha lang sa gihapon ang person’s under investigation (PUIs) may angot sa 2019 novel coronavirus acute respiratory disease (NCOV-ARD).
Sa pagtililipon sa Provincial Capitol kaina sang aga, ginapahayag ni Governor Eugenio Jose Lacson nga ang duha ka PUIs sa probinsiya ang ginalakipan sang Canadian national nga nag-negatibo na coronavirus santo sa kumpirmasyon ni Dr. Mary Jane Juanico sang Infectious Diseases Section sang Department of Health Region (DOH) 6 kaina sang aga kag ang una na nga nareport sang Lunes.
Ang duha ang lunsay gin-admit sa Corazon Locsin Montelibano Memorial Regional Hospital.
Samtang ginpahayag naman ni Provincial Heath Officer Dr. Ernell Tumimbang nga ang iya gid lamang sang probinsiya nga mga datos tuhoy sa PUIs ang ila nga ipalayag kag indi na sila magpasilabot pa sa iya sang Bacolod.
Nahibaluan nga mismo ang Bacolod ang may yara man sang task force batok sa NCOV-ARD kag may yara man sang mga PUIs nga ila ginabantayan.
