Nagapanguna gihapon ang probinsya sang Iloilo sa medal tally sang Western Visayas Regional Athletics Association Meet 2024 sa elementary level kag secondary level, as of 6:00 pm kahapon.
Sa elementary level, ang Iloilo may yara sang 34 ka gold medal, 24 ka silver medal kag 14 ka bronze medal; ini ginasundan sang Negros Occidental nga may 25 ka gold medal, 28 ka silver medal, kag 22 ka bronze medal; Aklan nga may siyam ka gold medal, lima ka silver medal, kag 12 ka bronze medal; Antique nga may tatlo ka gold medal, pito ka silver medal, 11 ka bronze medal; Capiz nga may tatlo ka gold medal, anum ka silver medal kag 11 ka bronze medal; kag Guimaras nga may apat ka silver medal kag 10 ka bronze medal.
Sa secondary level naman, ang Iloilo may yara sang 47 ka gold medal, 40 ka silver medal, kag 27 ka bronze medal; Negros Occidental nga may 40 ka gold medal, 41 ka silver medal, 35 ka bronze medal; Aklan nga may 13 ka gold medal, 15 ka silver medal, 27 ka bronze medal; Antique nga may anum ka gold medal, isa ka silver medal, 12 ka bronze medal; Capiz nga may lima ka gold medal, 12 ka silver medal kag 23 ka bronze medal; kag Guimaras nga may lima ka gold medal, pito ka silver medal kag 10 ka bronze medal.
