Ginsuguran na sang ciudad sang Bacolod ang profiling sang tanan nga Public Utility Vehicle (PUV) sa ciudad sang Bacolod.
Sa interview kay Bacolod City Mayor Alfredo “Albee” Benitez, luyag sini mahibaluan kun pila ang nagabiyahe nga mga jeep sa gin-aprubahan nga routa sang ciudad, pila ang may franchise, pila ang may provisional authority kag pila ang colorum.
Suno kay Benitez, ini agud nga mafinalize sang ciudad kun pila gid ang kinahanglan nga jeep ang magabiyahe sa kada routa.
Suno sa alkalde dapat insakto lang ang numero agud indi mabudlayan ang riding public kag ang operator sang jeep.
Ginprofile sang ciudad ang mga jeep agud nga mahibaluan kun sufficient na ang mga jeep nga nagabiyahe modernized man ukon traditonal nga consolidated kag unconsolidated nga nagabiyahe sa ciudad sang Bacolod agud mahibaluan kun kinahanglan pa madugangan ukon indi na.
