BACOLOD CITY – Ginarespeto sang regional director sang Department of Environment and Natural Resources (DENR) Negros Island Region ang pagpatigayon sang isa ka environmental group sang protesta tuhoy sa pagkakas kay Andres Untal bilang pinuno sang Provincial Environment and Natural Resources Office (PENRO).
Ini ang pahayag ni Director Al Orolfo matapos nga nagpadulong sa atubang sang regional office ang mga miyembro sang Green Alert Negros kasunod sang reshuffling nga nag-apekto sa posisyon ni Untal.
Nahibaluan nga si Untal ang pagabuslan ni Edgardo Rostata halin sa Community Environment and Natural Resources Office (CENRO) Cadiz City.
Suno kay Orolfo, bilog nga pilipinas ang revamp sa DENR kag indi lamang diri sa Negros Occidental.
Ini ang ginalauman basta may yara sang bag-o nga tiglikom ang ahensya kun sa diin nagasunod lamang ang mas manubo nga opisina sa ginapatuman nga reshuffling.
Ginarespeto ni Orolfo ang tikang sang grupo bangud para sa iya, kabahin lamang ini sang ila freedom of expression.
