Kadungan sang pagsaulog sang Masskara Festival sa syudad sang Bacolod pagaupdan ini sang probinsya sang Negros Occidental paagin sa pagbukas sang pavillion sa Negros Occidental sa Panaad Park sang mga local government units sa probinsya sang Negros occidental.
Suno kay Negros Occidental Governor Eugenio Jose “Bong” Lacson, problema sa karun ang mga pavillions kag responsibilidad ini sang tagsa ka mga local government units nga nagakihanglan sang pagkay-o bangud pila man ka tuig nga wala ini nagamit kag namintenar.
Suno kay Lacson, mahimo man magamit ang mga pavillions apang ginakinahanglan lamang nga irepair sa tion nga matapos ang Masskara festival kag preparasyon man sa palaabuton nga Panaad Festival sang probinsya nga ginaselebrar sa bulan sang Abril kada tuig.
Ginpahayag man sang gobernador nga mahimo man magamit ang football field bangud sa nahibaluan sini nga may yara man sang patigayunon nga football field sa Masskara Festival.
Magahatag man ang probinsya sang P100,000 bilang financial aid sa mga para sa mga Local Government Unit (LGU) nga makigbahin sa “Panaad sa Masskara”.
