Ginkumpirmar sang Epidemiology and Surveillance officer sang Provincial Health Office nga nagsaka ang numero sang mga persons under monitoring (PUMs) angot sa coronavirus disease 2019 (COVID-19) sa probinsya bangud gindugang diri ang mga Negrense nga gin-repatriate.
Suno kay surveillance officer Louie Fernandez, sang 15 ka mga kaso ang PUMs sa probinsya kahapon.// Nagadangat na ini karon sa 563 nagikan sa 548 nagligad nga Abril 19.
Dugang pa sini nga ang mga ginpang-repatriate nga Negrense ang yara karon sa mga quarantine facilities sa probinsya.
60 sa mga ini ang nahamtang sa Provincial Healing Center sa EB Magalona samtang 56 naman ang yara sa Mambukal Resort sa banwa sang Murcia.
Wala na sang PUMs ang pito ka mga local government units nga ginalakipan sang Binalbagan, Candoni, Cauayan, Ilog, Isabela, La Carlota City kag Valladolid.
Samtang, suno kay Fernandez may yara nalang sang 10 ka mga persons under investigation (PUIs) sa Negros Occidental nagikan sa anom ka mga LGUs.
Tag-tatlo ang nagikan sa Calatrava kag La Castella samtang tag-isa naman sa Cadiz, Cauayan, EB Magalona kag La Carlota.
