Gintukod na ang lima ka mga komitiba sa idalom sang Provincial Infectious Disease Action and Control Council (PIDACC) kasunod sang kumpirmasyon nga may duha ka persona nga ginaobserbaran angot sa 2019 novel coronavirus acute respiratory disease.
Sa pagsinapol kaina sa pagpanguna ni Governor Eugenio Jose Lacson, gintukod ang Advisory Committee; Disease Surveillance and Reportorial Committee; Incident Management Team; Infection Control and Case Management kag Information Management and Risk Communication sa idalom sang PIDACC.
Si Lacson ang mangin chairman sang PIDACC samtang vice chairman si Vice Governor Jeffrey Ferrer kag focal person si Provincial Health Officer Dr. Ernell Tumimbang.
Diri man gin-athag ni Tumimbang nga duha pa lang ang PUIs sa Negros Occidental nga ginalakipan sang lalaki nga Canadian national nga may travel historysa Taiwan kag isa ka Filipina nga may travel history sa Hong Kong.
Samtang sa bahin naman sang ciudad sang Bacolod, ginkumpirmar ni Vice Mayor El Cid Familiaran nga may yara na sang tatlo ka mga PUI’s nga ginalakipan sang Canadian national nga lalaki nga may travel history sa Taiwan kag 12-anyos nga lalaki nga Negrense nga nakapadulong sang damlag lang sa Hong Kong kag Macau kag nagdugang diri sini nga adlaw, ang 58-anyos nga babaye nga may travel hisory sa Hong Kong.
