BACOLOD CITY – Kumpiyansa si Negros Occidental Schools Division Sports Coordinator Romeo Sison nga preparado kag makahampang sang maayo ang mga atleta sang probinsiya sang Negros Occidental sa Negros Island Region Athletic Association (NIRAA) Meet 2017.
Sa exclusive interview sang Bombo Radyo Bacolod kay Sison, ginpahayag sini nga preparado ang bug-os nga delegasyon sang probinsiya kag nakahanas sang maayo ang mga atleta sa nagkalain-lain nga hampang.
Buwas sa aga, ginalauman nga magabisita ang mga atleta upod sa mga coach sa mga playing venues agud matsekyar ang lugar kag agud man ma-familiarize ang ila kaugalingon sa mga pasilidad.
Nahibaluan nga kaina sang aga, sakay sang 13 ka mga airconditioned buses, nagbiya na ang delegasyon sang Negros Occidental Schools Division agud magpadulong sa Dumaguete, ang host-city sang NIRAA 2017.
Ginpasiguro naman ni Sison nga may kaupod nga mga manunudlo kag delegation officials ang mga atleta nga magabantay kag magasiguro nga luwas ang mga ini sa anuman nga katalagman.
