BACOLOD CITY-Nagdangat na sa lima nga mga Persons Under Investigation (PUI) ang nag-negatibo sa 2019 novel coronavirus acute respiratory disease (NCOV-ARD) sa Negros Oriental.
Ini ang ginkumpirmar ni Bimbo Miraflor, ang Public Information Officer sang nasambit nga probinsya.
Kahapon, isa pa ka negative result sa swab test sang mga PUI ang ginpaguwa sang Research Institute for Tropical Medicine (RITM).
Madumduman nga sang nagligad nga Huwebes, apat man ka PUI ang nag-negatibo sa virus santo sa resulta nga ginpaguwa sang RITM.
Sa kabug-usan may yara sang 8 walo ka PUI sa Negros Oriental kag sila ang gina-isolate sa Negros Oriental Provincial Hospital.
Apang bisan nga nag-negatibo na ang lima, nagapabilin sila sa provincial hospital upod sa tatlo ka iban pa bangud gina-hulat pa ang confirmatory test sa una nga resulta.
Samtang, ginkumpirmar man ni Miraflor nga sa 82 ka mga persona nga ila na-trace nga na-expose sa duha ka Chinese nationals nga nangin una nga positibo sa coronavirus sa Pilipinas, 8 ang nangin PUIs, 74 ang nangin Person’s Under Monitoring (PUMs).
Natapos naman sang mga PUMs ang ila nga period of quarantine kag pwedi na sila nga makabalik sa ila normal nga pagginawi.
Ang tanan nga PUIs kag PUMs nga nadulaan sang trabaho sang pila ka adlaw, ang makabaton naman sang P5,000 nga cash assistance santo sa mando ni Governor Roel Degamo.
Samtang balik naman ang klase sa mga public schools ciudad sang Dumaguete subong nga adlaw, matapos nga ginsuspender ini nagligad nga Pberero 5-7.
Apang magpabilin naman nga naka-health break ang Siliman University tubtob sa Pebrero 14 bangud desisyon na ini sang pribado nga unibersidad.
