May yara na sang settlement sa tunga sang pulis kag SK chairwoman sa nagluntad nga aksidente malapit sa Bacolod Government Center sang Hulyo 12 sang kaagahon.
Madumduman nga napilasan ang isa ka pulis kag Sangguniang Kabataan chairwoman matapos magbunggu-anay ang ila ginamaneho nga salakyan sa Circumferential Road, Lupit Bridge 2, malapit sa Bacolod City Government Center sa Barangay Taculing, Bacolod City sang Hulyo 12 sang kaagahon.
Ang mga involved ang ginalakipan sang Police Master Sergeant, nga personnel sang Police Regional Office – Negros Island Region kag ang SK chairwoman sang Brgy. Taculing nga lunsay mga residente sang Puentevella Subdivision, Barangay Taculing, Bacolod City.
Interview with Police Major Elmer Bonilla, head sang Traffic Enforcement Unit sang Bacolod City Police Office
Una na nga ginpahayag ni Police Major Elmer Bonilla, head sang Traffic Enforcement Unit sang Bacolod City Police Office, dala sang pulis ang gray nga Sedan samtang nagadalagan sa south to north nga dereksyon, kag yara sa inner lane, samtang sugata naman sini ang SK chairwoman nga nagadala sang pula nga Nissan, kag naga-occupy man sang inner lane.
Sa imbestigasyon, natumod nga nagab-ihan na ang pulis matapos mag-overtime kag ginalantaw nga bangod sa over fatigue napiyongan ini kag nagwarik ang salakyan sa dereksyon sang SK chairwoman.
Samtang sa latest nga interview kay Police Major Bonilla, nag-update sa iya ang traffic investigator sang Bacolod Police Station 6 nga nakasugtan sang police kag sang SK Chairwoman nga ang tagsa ka mga insurance na ang masabat sa gasto sa damages sang ila nga mga salakyan.
Suno kay Bonilla santo sa imbestigasyon sang traffic investigator nakita nga ang salakyan sang pulis amo ang nagkaon sang inner lane nga ginagamit sang SK chairwoman kag police mismo ang aminado nga nakaon niya ang nasambit nga lane.
Suno kay Bonilla makonsiderar na ini nga case close bangud nakasugtan sang magtimban nga bahin nga ang tagsa ka mga insurance na ang masabat sa gasto sa damages sang ila nga mga salakyan kag gin-ako man sang police nga ini ang nagkaon sang inner lane.
