-- ADVERTISEMENT --
Ginpasakaan na sang kaso nga robbery-extortion ang isa ka pulis nga gin-alegar nagpangilkil sa isa ka police applicant.
Sa interview sang Bombo Radyo Bacolod kay Police Captain Dax Santillan, spokesperson sang Bacolod City Police Office, kun makita sa piskal nga may supisyente kag mabakod nga ebidensya, posible masaka ini korte.
Dugang pa, magluwas sa criminal case nga gin-file, ginadihon naman sa karon ang administratibo nga kaso batok sa policewoman.
Pahanumdom naman sang Philippine National Police, wala sila nagapanukot sa recruitment process kag ang pagpasulod sa serbisyo ang ginabase sa kapasidad kag merito sang applicant kag indi sa impluwensya.
