Ginpahayag sang punong barangay sang Barangay Granada nga pagpangamuyo, hardwork, dedikasyon kag disiplina ang ila sekreto rason kun ngaa sila ang nagchampion sa 43rd Masskara Festival Streetdance and Arena Competition nga ginhiwat sa Paglaum Sports Complex kahapon.
Sa interview sang Bombo Radyo kay Punong Barangay Alfredo Talimodao, nagapasalamat sini sa mga pumuluyo sa Granada sa wala untat nga suporta kag pagpangamuyo.
Ginapasalamatan man sini ang city kag ang mga sponsors nga nagbulig kasubong man ang mga choreographers kag designers agud matigayon sila nga makaperform kag makuha ang kadalag-an.
Suno diri, bulan sang Agosto sila nagsugod sa pagpreparar kag ang nangin resulta sang ila pagpangabudlay ang makabig gid nga dako nga encouragement para sa ila barangay.
Sang ginpamangkot si Talimodao kun ano ang ila pagahimuon sa P1 million nga nadag-an, ginpahayag sini nga una, dapat ang mga kabataan ang mahatagan gid sang kalipay.
