Punong Barangay Lady Gles Gonzales-Pallen sang Barangay Taculing, gindeklarar nga presidente sang Liga ng mga Barangay Regional Chapter sa Western Visayas

Ginpanginbulahan sang Department of the Interior and Local Government ang punong barangay sang Barangay Taculing, ciudad sang Bacolod matapos gindeklarar nga presidente sang Liga ng mga Barangay Regional Chapter para sa Western Visayas.

Wala sang kontra ukon unopposed si Punong Barangay Lady Gles Gonzales-Pallen sang Barangay Taculing, Bacolod City, bilang presidente sang Liga ng mga Barangay Regional Chapter (Region 6).

Ang Liga President sang Iloilo Province ang napili-an naman nga regional vice-president samtang ang Liga President sang Capiz ang napili-an nga auditor.

Ang election sang Liga ng mga Barangay National Chapter ang ginapatigayon kahapon, Marso 18 sa Manila Hotel.