Dako ang posibilidad nga may kaangtanan sa illegal drug transaction ang rasun sa pagpangluthang sa Brgy 10, Bacolod City sa pagpati sang mismo Punong Barangay.
Sa interview sang Bombo Radyo Bacolod kay Punong Barangay Melvin Bravo, pangayaw sa lugar ang duha ka biktima, nga sa ila impormasyon tumandok sang Cadiz City.
Ang mga suspect ang ginkilala nga sanday Alyas Macoy, nga amo ang gunman, kag kaupdanan sini nga sanday Alyas Moy, Alyas Rey kag Alyas Roy, nga nagbulig sa pagkastigo sa mga biktima.
Tatlo ang residente sang Brgy 10, samtang si Moy ang residente sang Brgy 12.
Si Rey naman ang naga-isahanon nga minor sa mga suspect.
Sa CCTV footage, ginpulihan sang apat ang duha ka biktima, tubtob nga ginluthang ni Macoy.
Ginkadtuan man nila ang balay sang iya hinablos, apang ini ang wala nakapauli.
May mga impormasyon ini nga mahimo nagbakal sang illegal nga droga ang duha, apang ginbaligyaan sang tawas.
Ginatugyan na sini ang imbestigasyon sa Bacolod Police Station 2.
Panawagan sini sa mga nagagamit sang illegal nga droga, nga untatan na ang pagpangataw agud lamang makakuha sang supply, bangod kun wala sang buyer, wala man sang illegal nga negosyo.
