Hugot na karun nga naga-monitor ang Provincial Veterinary Office (PVO) sang Negros Occidental sa mga migratory birds kasunod sang outbreak sang “highly pathogenic strain” sang H5N1 sa Shaoyang, Hunan, China.
Nahisayaran kay Provincial Veterinarian Dr. Renante Decena nga may yara sang mga migratory birds nga naga-abot sa Himamaylan, San Enrique kag Sagay diri sa Negros Occidental kun winter season sa China.
Suno kay Dr. Decena, posible nga mangin carrier sang virus ang mga migratory birds gani nga hugot nila nga gina-monitor karun.
Nahisayaran nga regular nga ginakuhaan sang samples ang mga migratory birds kag ini ang ginapa-examine sa Philippine Laboratory of Animals.
Nagakuha man sang samples ang PVO sa mga native chicken kag ducks sa tagsa ka barangay.
Suno sa Provincial Veterinarian, 100% ang mortality rate sang H5N1 sa mga manok samtang 60% naman sa mga tawo.
Ginhatagan man pagtamod ni Dr. Decena nga wala naga-import sang manok sa China ang Negros Occidental.
