BACOLOD CITY-Naupos ang lawas sang isa ka person with disability (PWD) matapos nga ginlamon sang kalayo ang iya puluy-an sa banwa sang La Castellana kaina sang aga.
Wala na nasalbar pa ang biktima nga si Pacencia Pilar, 87-anyos sang masunog ang iya puluy-an sa Zone 43, Jamandre, Brgy. Robles, La Castellana, las-8:00 kaina sang aga.
Si Pilar ang nabulag bangud sang diabetes kag indi naman ini makalakat bangud sang katigulangon.
Suno kay Fire Officer 2 Reymon Clamano sang Bureau of Fire Protection (BFP) La Castellana, ang utod ni Pilar ang naga-atipan sa iya.
Nagluto kaina sang aga ang utod sang biktima kag ginlabhan sini ang iya lago sa ila nga tupad balay.
Suno kay FO2 Clamano, wala na natalupangdan sang utod ang iya linuto nga gintunaan sang sunog kag nadala si Pilar.
Sang nagresponde ang mga bombero, upos ang na ang puluy-an.
Suno kay Clamano, mabudlay sudlon sang mga firetrucks ang lugar.
Yara sa P80,000 ang ginbilin nga kahalitan sang nasambit nga sunog.
