Padayon nga ginahulat ang quarterfinal showdown sa 2025 WTA 125 Suzhou Tennis sa China nga patigayunon ala-1:00 sang hapon , Biyernes, Oktubre 3.
Magaatubangay ang 20-anyos nga si Alexandra Eala sang Pilipinas, nga karon yara na sa World No. 58, batok sa eksperyensyado nga 32-anyos nga si Viktorija Golubic sang Switzerland, nga yara subong sa World No. 90.
Ginalaragway ang match nga “Youth vs Experience” bangod si Eala ang isa ka bag-ohanon kag padayon nga naga-imprubar sa international tennis, batok kay Golubic nga isa na ka beterana nga may madamo na sang international exposure, lakip na ang quarterfinal run sa Wimbledon.
Kon magdaog si Eala, posible ini nga mangin isa na naman ka milestone para sa Philippine tennis, kag mahimo nga magbukas sang oportunidad para sa iya ikaduha nga titulo sulod sang isa ka bulan.
