Gin-anunsyar sang Bacolod Alliance of Commuters, Operators and Drivers (BACOD) nga ginkansela ang ila rally protest nga patigayunon kuntani sa Enero 27 kag 28 kag magapatigayon na lamang sang transport summit.
Sa interview sang Bombo Radyo Bacolod kay Rudy Catedral, presidente sang BACOD, may yara sang tambongan nga hearing ang ila national group amo nga nag-set na lang sila sang transport summit sa Enero 28.
Apang, dugang pa sini may yara sila sang patigayunon nga rally protest sa Enero 31 kag sa Pebrero may yara sila sang duha tubtob tatlo ka adlaw nga rally protesta kag transport strike apang wala pa sang final nga petsa para diri.
Sa transport summit, magatambong ang Land Transportation Franchising and Regulatory Board (LTFRB), Land Transportation Office (LTO), Highway Patrol Group (HPG), Bacolod Traffic Authority Office (BTAO), Bacolod City Councilor Al Victor Espino, chairperson sang Committee on Transportation and Traffic kag mga transport gorups.
Pahayag ni Catedral, padayon ang ila panawagan nga mahatagan sila sang Provisional Authority kag marenew ang ila prangkisa.
