-- ADVERTISEMENT --
Ginapakamaayo sang station commander sang Bacolod Police Station 3 nga malinong lamang ang pagpatigayon sang protest rally sang grupo sang traditional jeepneys sa Bata flyover.
Sa interview sang Bombo Radyo Bacolod kay Police Captain Rondyl Tapang, malinong kag matawhay ang pagpatigayon sang rally protesta kag wala man sang insidente sang pagbalabag sa mga nagabyahe nga salakyan.
Apang aminado man ini nga may delays sa pagsakay sang mga pasahero, apang makadali lamang bangod may naga-abot man gilayon nga modernized jeepney.
Ginsugilanon man nila ang mga lideres sang mga nagaprotesta nga grupo kag ang mga ini ang nagpasalig man nga sila ang magapatigayon lamang sang peaceful rally.
