Gin-mandoan na sang regional director sang Police Regional Office 6 ang City Director sang Bacolod City Police Office sang madalom kag maid-id nga imbestigasyon sa pag-abduct kay retired Police Major Lito Pirote sa isa ka hotel sa syudad sang Bacolod, sadtong Biernes Santo.
Sa interview kay Police Brigadier General John Bulalacao, gin-mandoan na sini si Police Col. Henry Biñas nga mag-koordinate sa management sang Metro Inn Hotel sa diin natabo ang abduction nga magkuha sang CCTV footage kag sa mga kaiping nga establisyemento agud ma-trace ang gin-agyan sang mga suspetsado sakay sa puti nga van sa pag-abduct kay Pirote.
Ginpahayag man sang general nga wala sa listahan nila si Pirote nga may kaangtanan sa iligal nga droga apang wala man sini gina-kwestiyon ang matrix list ni Presidente Rodrigo Duterte sa siin nalakip ang pangalan ni Pirote bangud suno sa iya indi man mag-pagwa sang listahan ang presidente kun wala ini sang mapag-on nga ebidensya.
Naga-laum naman sa karun si Bulalacao nga may makahatag sa ila sang detalye tuhoy sa natabo nga insidente agud mapadasig pa ang pagsolbar sang kaso.
Date of airing: April 23, 2019
