Luyag naman sa karun pa-imbestigaran ni Bulalacao ang reklamo sang pamilya Pirote batuk sa Police Station 2.
Suno kay Bulalacao, kun mapamatud-an ang reklamo sang pamilya ni retired Police Major Lito Pirote nga janitor ang nag-atubang sa pamilya agud kuntani hibaluon ang latest investigation tuhoy sa pag-abduct sa ila himata kag wala sang otoridad, iya ipang-relieve ang tanan nga katapu sang Police Station lakip na ang hepe nga si Police Captain Leo Estopa.
Kun madumduman, ginpahayag sang bata nga babaye sang biktima nga nag-padulong sila sa talatapan sang Police Station 2 sang nakaligad nga adlaw agud kuntani hibaluan kun ang imbestigasyon sang mga kapulisan, janitor ang nag-atubang sa ila kag gin-hambalan pa sila nga naka-vacation leave ang mga personnel.
Date of airing: April 23, 2019
